بسم الله الرحمن الرحيم ، وبه نستعين وصلى اللهم على خير الذاكرين والشاكرين محمدا صلى الله عليه وسلم ، أما بعد

أنتى مش محجبه؟؟؟طيب ممكن دقيقة من وقتك

طبعا من قبل ما أبدأ فى الكلام أنا معاكى فى إن المظهر الخارجى مش كل حاجه ، وأن فى بنات محجبات ومع ذلك أخلاقهم مش كويسه
ومعاكى برده إن فى بنات مش محجبات وأخلاقهم كويسه
ولكن....؟؟؟
؟؟؟؟؟أنتى ليه مش محجبه؟؟؟؟
ممكن يكون علشان والدتك مش محجبه!!!
أو علشان اصحابك مش محجبين!!!
أو أنتى شايفه إن إستايل الحجاب مش عاجبك ومش هيمشى مع لبسك!!!
أو ممكن تكونى سمعتى حد بيقول إن الحجاب ده تخلف ورجعيه وصدقتيه...!!!
أو ممكن تكونى عارفه إن الحجاب فرض بس أنتى مستنيه تتجوزى وبعدين تتحجبى!!!
كل الاحتمالات دى وارده...
طيب ...بعد ما سمحتيلى بدقيقة من وقتك
وأنا مش تاعب إيدى فى كتابة الموضوع ده عشان أقول حرام حرام حرام
وأنتى كده ضايعه وفاسقه ومنحرفه
لأ والله ...أنا مسلم ...وبغير على دينى ... وأنتى مسلمة ...ويهمنى دينك...لأنى بحب دينى
طيب ندخل فى الموضوع
..............
1.ربنا خلقنا وخلق السماوات والارض وكل شىء....بس ليه؟؟؟
قال تعالى((وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ))
طيب يعنى إيه عباده...؟؟ يعنى نطيع ربنا فى كل اوامره ونتجنب كل نواهيه
يعنى بالبلدى نسمع كلامه...مش كلامنا أو مزاجنا
2.ربنا فرض فى كتابه العزيز الحجاب ,,,قال تعالى ((وَلْيَضْرِبْنَ بِخُمُرِهِنَّ عَلَى جُيُوبِهِنَّ))النور
ومتقوليش فى شيوخ قالوا ان الحجاب مش فرض ،، ده كلام فارغ
وأنتى لو عايزة حد يقولك إن الزنه حلال هتلاقى فى الزمن ده...ربنا يصلح حالنا
ومتسمعيش كلام أى حد ، وتقولى هو اللى هيشيل ذنبى
لأ طبعا ...أنتى عندك عقل تستخدميه عشان تعرفى فين الحق
ومش كل من هب ودب نسمعله فى الدين
قال تعالى((الرحمن فسأل به خبيرا))
3.ربنا بيحبك ، بدليل خلاكى مسلمه...اللهم لك الحمد يارب على نعمة الأسلام وكفى بها نعمه...وغرقك فى نعمه وبدون أى ثمن
يترى دفعتى كام عشان ربنا يعطيكى عينان ويدان ورجلان وووو
يترى دعيتى ربنا يعطيكى قلب أو عقل أو رئتين ....كل ده ربنا أعطهولك من غير أى تعب
وكمان جعل الهواء والأكسجين مجانا ...وغرقنا فى نعم لا تعد ولا تحصى
فيترى بعد كل النعم دى ...نعصيه بيها
ينفع برده؟؟؟
طيب مش مفروض نقوله شكرا يارب على نعمك الجميله دى
اللهم لك الحمد
بس شكر النعمه مش بالسان بس
لأ
قال أحد العلماء...وشكر النعمه يكون باستخدامها فى طاعة المنعم
 4.ممكن تكونى بتحبى ربنا ..وده أكيد ....ونفسك تعملى كل اللى بيحبه
بس أنتى نفسك تتمتعى بجمالك ، وحاسه إن الحجاب هو اللى هيدفنك
صدقينى ...ودى كلمة من شاب...الحجاب واللبس المحترم الواسع بيخلى للبنت قيمه غاليه أوى ...لأنك بكده جوهرة...والجوهرة لأزم تتحط فى علبه قطيفه وتتشال فى الخزنه
ومتتطلعش غير للى هيدفع الثمن....ولا تحبى تكونى ربطة جرجير
مفروشه على الأرض كل اللى رايح واللى جاى يقدر يشوفها ويمسكها بإيده
وبعد كده ممكن يرميها على فرشة الجرجير ويقول مش شارى
5.ممكن تكونى نفسك تتحجبى بس أصحابك وأهلك ضد الحجاب
فهقولك قول ربنا (وإن تطع أكثر من فى الأرض يضلوك)
وأسمعى كلام ربنا ...وخدى قرارك قبل ما تيجى اللحظه اللى تقولى فيها

((وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلاً{27} يَا وَيْلَتَى لَيْتَنِي لَمْ أَتَّخِذْ فُلَاناً خَلِيلاً{28} لَقَدْ أَضَلَّنِي عَنِ الذِّكْرِ بَعْدَ إِذْ جَاءنِي وَكَانَ الشَّيْطَانُ لِلْإِنسَانِ خَذُولاً{الفرقان29

6.ربنا غفور رحيم ، طبعا ، وبيمهلنا كتير ، لكن مينفعش نقول لما أتجوز هتحجب
مش يمكن ربنا يغضب عليا ويحرمنى من التوبه بسبب تسويفى!!
لأن زى ما ربنا غفور رحيم ، ربنا جبار ومنتقم
(نَبِّىءْ عِبَادِي أَنِّي أَنَا الْغَفُورُ الرَّحِيم وَأَنَّ عَذَابِي هُوَ الْعَذَابُ الأَلِيم)
فمينفعش ننسى إن عذابه هو العذاب الأليم
وممكن يكون التسويف ده أمن لمكر ربنا
ويقول الله تعالى((أَفَأَمِنُوا مَكْرَ اللَّهِ فَلا يَأْمَنُ مَكْرَ اللَّهِ إِلا الْقَوْمُ الْخَاسِرُونَ))
فممكن أقول لما أتجوز هتحجب...فربنا يحرمنى من نعمة الجواز أصلا
أو أتجوز واحد ميخلينيش أتحجب
أو ممكن يختم على قلبى فتلقائى ألاقى نفسى مش عايزة أتحجب
أو ممكن أصاب بمرض جلدى أو حرق أو,أو
ربنا يحفظنا جميعا
7.عليكى البداية وعليه التمام
أى لازم تبدأى خطوة بينك وبين ربنا ،وتستعينى بيه وتدعيه فى كل صلاه
على إنه يعينك على الطاعة وعلى الحجاب
ومتنسيش...أحنا مخلوقين للعباده ...والعباده يعنى نسمع كلامه
8.أنتى متخيله بنزولك الشارع من غير الحجاب واللبس المحتشم بتاخدى ذنوب قد إيه؟
ربنا يغفرلنا ويهدينا
قال النبى صلى الله عليه وسلم
(إن العينان تزنيان وزناهما النظر)
فبالله عليكى ، متكونيش السكينة اللى بيستخدمها الشيطان فى دبح قلوب الشباب
متكونيش الرصاص اللى بيخرج من مسدس الشيطان ويدخل فى قلوبنا
والله ممكن الواحد مننا يتحرم من لذة العباده مده كبيرة بسبب نظرة
...بالله عليكى خافى على شباب المسلمين اللى ممكن يفتنوا فى دينهم بسبب لبسك
ومتقوليش إنى بكبر الموضوع ، لأن ياما شباب ضاعوا فى طريق الزنه
وكان البداية نظرة
وخافى كمان من وقفتك بين إيدين ربنا
يوم ما يسألك عن كل حاجه وعن لبسك
هتقولى إيه؟؟؟
9.طبعا الكلام يشمل المحجبات اللى حجابهم مش اللى عايزة ربنا ورسوله
ربنا يهدينا جميعا
10.ربنا كريم....ربنا غفور....ربنا بيحب التوابين
((وتوبوا إلى الله جميعا أيها المؤمنون لعلكم تفلحون))

وأخيرا

فالناس والوسواس الخناس عايزينك تبقى بشعرك
ورب الناس عايزك تصونى نفسك وتبقى محجبه
يترى تحبى ترضى مين؟؟؟الناس أم رب الناس

جزى الله كل من ينشر هذا الموضوع خير الجزاء
سبحانك لا علم لنا إلا ما علمتنا إنك أنت العليم الحكيم
وصلى اللهم على سيدنا محمد وعلى أله وصحبه وسلم
وأخر دعوانا أن الحمد لله رب العالمين